Newyddion Diweddaraf Cyngor Sir Y Fflint
Datgelu Hanes y Gweithfeydd Dur
Published: 22/05/2018
Fe fydd arddangosfa newydd sbon yn ymwneud â’r gweithfeydd dur yn cael ei
datgelu ddydd Iau, 24 Mai am 2.00pm yn y Quay Watermen’s Association (QWA)
Canolfan Dreftadaeth y Kathleen and May, Dock Road, Cei Connah.
Fel rhan o gynllun ‘Rhoi’r Cei yn ôl yng Nghei Connah’ Cronfa Dreftadaeth y
Loteri a sicrhawyd gan y QWA, mae Dur Tata yn cyfrannu bwrdd hanes dur 3m x 1m
gyda lluniau o’r cludo dur ar longau ar Afon Dyfrdwy.
Mae cyn weithwyr dur wedi eu gwahodd i ddod draw i gwrdd â hen gydweithwyr a
staff newydd wrth i Ddur Tata ymuno â’r QWA a Chyngor Sir y Fflint i ddarparur
dehongliad mwyaf cyfredol o dreftadaeth ddur Sir y Fflint i ymwelwyr a phobl
leol.
Dywedodd Cadeirydd y QWA Paula Ellis:
“Rydym yn ddiolchgar iawn i Ddur Tata am gyfrannu’r panel gwybodaeth hwn ac am
gefnogi’r QWA yn ein hymdrechion treftadaeth a chymunedol.
“Mae Canolfan Dreftadaeth y QWA yn edrych dros yr afon a’r gweithfeydd dur ac
felly dymar lleoliad gorau yn Sir y Fflint i ganfod mwy am Dreftadaeth
Ddiwydiannol y sir wrth ymlacio gyda phaned o goffi a darn o gacen yn ein caffi
bendigedig.
Dywedodd y Cynghorydd Bernie Attridge, Dirprwy Arweinydd Cyngor Sir y Fflint ac
aelod lleol:
“Dyma’r tro cyntaf i ni allu arddangos gwybodaeth am wreiddiau’r diwydiant dur
ar Lannau Dyfrdwy ac rydym yn falch iawn o gefnogir QWA Tata wrth iddynt
ddarparu’r cyswllt hwn in cymunedau ei fwynhau drwy Brosiect Cronfa
Dreftadaeth y Loteri an Gwasanaeth Cefn Gwlad.”
“Dwi’n siwr y bydd nifer o weithwyr dur presennol a chyn weithwyr dur, pobl
leol ac ymwelwyr syn defnyddio Llwybr Arfordir Cymru wrth eu bodd gyda’r panel
a’r amlygrwydd mae’n ei roi i dreftadaeth ddiwydiannol falch yr ardal.”
Dywedodd Bill Duckworth, Rheolwr Safle Dur Tata:
“Mae’r diwydiant dur yng Nglannau Dyfrdwy wedi newid yn sylweddol dros y
blynyddoedd, ond yr hyn sydd wedi bod yn gyson ywr cysylltiad cryf gydag Afon
Dyfrdwy ar rôl y mae wedi ei chwarae yn y diwydiant.
“Mae Dur Tata yn Shotton yn hynod o falch o allu cefnogi Canolfan Dreftadaeth y
QWA drwy gyfrannur bwrdd hanesyddol a fydd yn helpu cenedlaethaur dyfodol i
ddeall beth arferai ddigwydd yma ar rôl bwysig mae wedi chwarae yn llunior
gymuned hon.
Yn ddiweddarach yn y flwyddyn bydd cyfres newydd o baneli hanesyddol wedi eu
lleoli ar hyd glannaur Afon Dyfrdwy yn cael eu hychwanegu a fydd yn ymdrin â
masnach, pysgota, treftadaeth a bywyd gwyllt. Cadwch olwg am y Penwythnos
Celfyddydau Morwrol ar Fehefin 2 a 3 a chyfres o weithgareddau ar ôl ysgol a
fydd yn dod ag Afon Dyfrdwy yn ôl ir gymuned.
Am fwy o fanylion cysylltwch â Mike Taylor Ceidwad Arfordirol ar 07711 438127
neu’r QWA ar 01244 818029.